CONCLUSIONES

QUINQUAGINTA TRES

sustintà in Franculin dal macilent

Sg. Gratian Godga, D. in zò cha vlì vu,

argumintà dal D. Pgnaton, cun l'as-

sistenza dal D. Memeo Squaquara,

e da so Sg. Insulentiss. Tradut, unde

versus, materna locutione.

Tut i poeta antigh, etiam mudern,

Tienin cun Quintiglian, Terenci e Cat

Più cald esser d'agost, ch'a mez invern;


Suzunz al Capural, che Mecenat

N'iera mort mentr che fu viv,

Ma quand morì al cas fu dsprat.


Quest a l'aferma al dot Tituliv,

Mrln Cocai, Ptrarcha e Hipogras,

E Mrlin in la quarta di passiu.


Tutta duttrina d'Turquat Tass

Quand al die qual cunsei a mestr Alfons

Ch' pr amacar l'nus l'è bon un sas.


Tamen Luca Marentio in un rspons

Contra Curneli Tacit al cunclud

All'hom febricitant, tastari al pons.


Un altr autor, al qual m'costa un scud,

Prova cun argumient dit a rason,

Che mutat qualitatem, cot e crud,


Mo credal d'trattar cun un minchion?

Mi c'ho liet in l'scol cinquanta mis

Tov chi n'ha quattrin è un gran minchion.


Ond a quest sproposit fu decis

In t'un culez d'trentasie duttur,

Ch' tra i lgum al si punes i cis.


E insem tut quij da bon cumpagn

Tulend tut quel che sie pr lor,

Dal rest i fen bollir cert lasagn.


Horsù, lasem un poc andar qustor

In qual paies dov ch'balla i ladr,

E turnem a parlar d'arm e d'amor.


Un hom ch'appa muier mai sarà padr

Sine generatione, e similment

La donna maridà mai sarà madr.


Preteream tam utrum piomb, or ed arzent

Cile, mar e terra, acqua, drit, lung e tort,

Oli, furment, vin, sol, luna e vient


Azunzema d'più sot, sovra e fond,

Città, castie, starn, luz, tenc e pizun,

Queste son tut cos ch'son al mond.


A st' propuost, Verzili da i Marun,

Duttor famos, cimpagn d' Liptop,

Al dis che i servitur non son patrun;


Mo quest n'n'è mio fin, non è mio scop,

Negatur antecedens, quest' è chiar,

Sovra la quinta favola d'Esop.


Hosù, mettemma l'argument in chiar,

Si vacuum non datur, dis Euclid,

Ergo per pagar l'ost a i vuol dinar.


D'tal upiniunazza mi m'in rid,

Havend arcistudià sovra Caton:

Taiand un pan pr mez al s'divid.


Ancor mi son pr dir la mia opinion,

La qual am son cavà dal mia crvel,

Digand ch'al gal castrà è ver cappon.


Al dis però un cert autor nuvel,

A cred ch'al sippa Uvidi, s'ben m'arcord,

Chal vola manc un'ocha che un franguel.


Ma credal rasunar cun un balord?

Al scriv Plutarc, cha i son quatr animal,

Un lov, un gat, un papagal e un tord.


Am arcord quest' carnval

Al temp d'vacanza a iera gras,

Chm un beccafig, in ton e giovial.


A st' proposit, un dì Urland las

Cumpos un madrigal a cinq vos,

Quinta pars, cantus, alt, tenor e bas.


Oh, quest è un argument ch'ha dal scabros,

Più volt argumnità sovra l'schol,

In catrda, in privà e d'nascos:


Però al bonciar, al gril e Marc Pol

Concordement tienin tut tri

Ch'l'è diferent al sart dal strazzarol.


Verament in proposit mi ho sintì

A un humanista dir che al semiton

In musica è mi-fa, over fa-mi.


Al Nizzol, Anguilara e l'Arzinton,

Insem tut trison d'un parer:

Ch'al re d'cop n'n'è quel d'baston.


Parlemma pur un poc pr al dver

Assend quattr stason in co d'l'an,

Un liom, qual s'marida al to muier.


Qui non è temp ades da far al Zagn,

Ho dit, al digh e torna a dir d'nov,

Ch'un fiasc rot sempr mai fa dan.


D'avril a seds hor, quand ch' Giov

Non splend sovra la tera, quell' è segn

Chal s'bagna la terra quand al piov.


Un cert anconitan, nad in tal regn

D'Napl, al dis ch'squas da pr tut

Un mat pr natura ha poc inzegn.


Diogen, dsputand con Margut,

Concluser verament esser imprfet

Un organ ch' non habbia al mi re ut.


Mo mi, pr far a tut un dispet,

An ze al più bel quant' a lassari dir,

E quand s'vol durmir andar in let.


Avicenna e Boccaccio heber a vgnir

A brut parol un dì, a tu per tu,

Prché aringand volevan cuntradir


A quel che tant autur an mantgnu

Cun la rason in man, idest, cioè,

Che una civetta s'assomeia a un chiù.


Mo al Sanazar, essend quel hom ch' l'è,

Cunferma lu haver vist cun i sua uocchi,

Du tus zugar insem alla giare.


An vuoi però costu n'm'venda fnocch,

Dsemma ch'incirca al mes d'agost

L'è bon l'agrest schizà sovra i ranuoch.


Guarin e al Mattiol un dì l'grost

Is'tiravin zo, argumintand,

Sal sia più chiar al vin over al most.


Terenzi scriv ch'un dì al brav Orland

Sfidò Amadis a far cun lu qustion,

Mo non s'sa dov né com, prché né quand.


La n'pias però tal decision

Perché s'un hom darà a un altr un set,

S'i sbir l'achiapin, l'andrà in prson.


MI, ch'ho scartabillà, studià e liet

Più livr ch n'n'ho in barba pil,

An trov cosa più dolza dal cunfet.


L'campan stan ben su i campanil,

Nego minorem, probo ergo al villan

Starà ben con la zappa e col badil.


Similment s'un ors e un rosp e un can

Differunt speties, ergo concludem

Ch'un nad in Spagna mai sarà itaglian.


Quest' probabilment nu al vdem

Quand la sira imponent s'ascos al sol,

Al non s'ved più”, ergo disem.


Quand un usel in aria chiappa al vol,

Al di Bov d'Antona e liumbrun,

Sal n'n'è in frotta, ch'al s'ciama sol.


Tra cent autur, mi non ne trov nessun

Ch'esser non diga numaro dspar

Al nov, al set, al cinqu, al tre e l'un.


E con l'autorità d'Anibal Car,

Confirmada da Seneca in brocard,

Dies, ott, sie, quattr du son numar par.


Oh, quest'è un argument cìha del ptard:

Si motus est la causa del calor,

Ergo al mot veloc non è tard.


Raviso in l'ufficina dal tsdor

Con al garzon, in l'ospedal di paz,

Tieniv ch' dop l'tre son in quattr hor.


D'un tal parer e ancora è Pier Pdraz,

Cioè ch'un orb, idest un ciech nat,

Mai guardarà nsun in tal mustaz.


L'è temp mo d'concludr, epilogand,

Havend, par a mi, toc i buon punt,

Essendm d'purtà più che un Urland,


Ergo tiremma su i nuostr cunt,

E replichemma l'argument da co,

Ades cha alla cadenza sen zunt.


Probatur consequentiam, a m'n'n'sto

A qual valent filosof' d'Aristip

Se in musica se sona al biabò

Ergo al furmaz l'è bon sovra l'trip.


APPENDIX


Havend cità d'sovra Mecenat,

Am son scurdà d'dir ch'un so parent

A la so mort i fie un bell' apparat.


Per faral suplir e incuntinent,

Fu fatta una dottissima uration,

Dal condam celebrat Francesco da cent,


Cun tant unor e tal rputation,

Ch' i circustant udend un tal dscors

Dsevn: “Mi, nin vidi a Ciceron”.


Potta d'mi, mo dov sogna trascors,

A io fat cun fie qulu allhora quand

Haveva tolt a Modna a mnar l'ors.


IL FINE