CRIDALESMI

CHE SI FANNO

In Bologna

nelle pescarie tutta la Quaresima.


Cantati da Zambù de Val Brembana in lingua

nativa bolognese.

Cridalesmo sopra la pescaria della

Quaresima


Questa Quaresma me n’andava un dì

Es arrivé de sort in pescaria,

Dond’era tanta zent, in fede mia,

Ch’a pos zurà, Che mi n’in vist ma pì.


Am fermi sul cantù un pochetì,

Da lat, ond ches va da i Banchi via,

Es me metti ascultà quella zenìa,

Che con le vos i m’as squas assordì.


Ch’ira attorn’ a i mastei, chi a i barilot,

Chi menava la fava col pistù,

Chi vendeva dol peschi crud, chi cot.


Ixì, stand ferm ilò su quel cantù,

A gustì un tal plasì, ch’al sangu d’un bot

A ris tant, chem crepè quasi ol magù.


Che tutti su a vaiù

Atturn a i barilot tenia cridà:

A chi compra dol pes, o la brigà?


Chi vol anguil salà,

Ch’vol dle bon arengh d’Suria,

A set quattrin l’una, vgnì via,


Oh là, ch’tol dla mia

Tunina, vgnì via, a vintdù,

A vintdù quattrin, bcavla sù,


E n’stad mò più.

Ostreghe gros, e fresch, pres in mar,

Tulil’ a cinqu lir al cintunar.


L’è qui al bon caviar,

Vdil mò qui, com l’è bon, oh bel.

A sia bulin la lira al tarantel.


Al bel fardel.

Chi vol le bell’anchiou a tre al bulin.

Chi tol dal pes cot pr un carlin.


Oh al bel passarin,

Vdì che l’è anch viv, ciel de ben,

Ch’adès adès, al’havèn pres in Ren.


Oh là, oh là, chi ven

A tor dal pes misalt, car fradia.

A chi doia un cupirol d’calzinia.


L’è qui i buon buratia,

L’è qui i bia pavaraz, a i gambarus,

E mì, a chi doia un cintunar d’nus.


Guardav un poch tus,

Tuliv inanz: alla favetta bella,

Ngin n’vien a tor dal pes canella.


Oh, la bella granzella,

Al ni è ngun, che la pses pagàr,

A ch’in doia di questi un cintunar.


Sti guov, ch’v’in par?

Ien pur cun ian da star, oh che tincon

Da servir un amig, el mo grusson.


Ch’vol da sturion,

A tri bianch la lira, sta mattina,

Oh sù, ch’a val vuo’ dar pr una iustina.


Ch’tol sta bella raina,

Dal mez inanz, da far a guazzet,

Ch’vol st’luz da far in pulpet?


Chi vol quattr gubbet,

Vuliv tre livr, o quattr’ d’acquadel

A sia quattrin la livra, al mia fradel?


O dal tabar murel

Vuliv un’anguilla fresca, fav qui,

Potta de zuda, lassa far a mì.


Vuliv sin a dù o trì

D’sti bia passar, fav qui cumpar,

Ch’ades ades i n’fan arrivar.


Oh, là, ch’tol un par

D’st’galan, ch’vol di capparin

D’Zenua, ien di bun, e s’in di fin.


Sti quatri civarin

Ch’tol, oh là, ch’vol dal pes d’fuia.

Po farmi, ch’al ni sia nsun ch’in vuoia.


Oh là, ni è ch’tuoia

Quattr d’sti bia sgombr da dsnar.

Vgni via, cha tutt’ i pat a vi vuo’ dar.


St’ capp, oh ch’sguazzar

Enli mo gros, e pien, in vuliv fiol,

Fav inanz, ch’a v’in daga un cupitol.


Rain, rain, ch’in vol?

A in dò de queste dods al bulin,

Es v’in dò de st’gros un’al quattrin.


Ai bia limunzin,

Ien qui garbad, e gruos, fav inanz,

A tri quatrin l’bel mlaranz.


Oimè, quant zanz

S’udiva po anchura da l’oter là,

Dond che vend i herbam i ortolà.


Chi vol de l’insalà,

Oh, l’è qui fresca, e bella, e tenerina,

Guardà un puchtin la bella lattughina.


Vdì qui, zea Minghina,

I bia sunz salà in t’l’i ol,

Fnuocchi, prasua, spinaz, ai, e civol


Oh là, oh là, chi tol

Di puor, dell’uliv, e di zedrun,

Castagn sech, ch’vol di marun?


A iansar bia, e bun,

A chi doia un mazzulin, oh bia fiua,

Chi tol un quartirol d’bun fasua,


Oh là, a la bon uva

Vgnivn’ accumdar, che l’è de amig,

A bon mercà la livra del fig.


Oh zent del temp antig,

A chi doia st’mel a dò al quattrin.

Chi vol una scudella d’luvin,


Chi compra st’curghin

D’herbetta de più fatta, oh l’è bella

L’è tutta mazurana e pimpinella.


Chi vol una scudella

Per tri quattrin de bon ces cosij

Chi vol dal far, oh là, chi tol dal mij?


Al bel lin vernij.

Sorbl secch, ch’in vien a cumprar,

Ciserchia, lent da far da manzar.


Radicchi da siroppar.

Per cunz in t’la saba, oh là, ch’in vol

Mandl gros, e brav, com’al sol.


Plozl, su, chin tol?

Cridava un oter là, da l’oter lat,

Chi a l’uva passa, chi a sardù salat?


Chi a fritel imelat.

Chi a cresent co i fenoch, chi a castagnaz,

Chi a i tortei de fasoi, chi de meiaz.


Al fin, con tant schiamaz

I me intronè de mod al me zervel,

Che quasi la memoria andò al bordel.


Ixì, com un osel

Non podend patì più tal sbraià,

Sonando nona, a me n’andè a disnar.


IL FINE